May 18, 2022, Wednesday
२०७९ जेष्ठ ४
1:37:26 pm

स्थानीय तह निर्वाचन : १ करोड ५३ लाख ८३ हजार मतपत्र छपाइ सकियो

205

काठमाडौँ । निर्वाचन आयोगले वैशाख ३० गते सम्पन्न हुने आसन्न स्थानीय तह निर्वाचन–२०७९ का लागि उत्साहपूर्वक ढंगले मनोनयन दर्ता भएको जनाएको छ ।

सोमबार आयोजित नियमित पत्रकार सम्मेलनमा आयोगका प्रवक्ता शालिग्राम शर्मा पौडेलले ११ गतेका तुलनामा १२ गते उत्साहपूर्वक ढंगले मनोनयन दर्ता भएको जानकारी दिए ।

हालसम्म ६३ जिल्लाका लागि १ करोड ५४ लाख ८३ हजार अर्थात् करिब ८० प्रतिशत मतपत्रको छपाइ सकिएको उनले बताए । वैशाख १३ गतेदेखि मतपत्र ढुवानी सुरु गर्ने आयोगका प्रवक्ता पौडेलले बताए।

Advertisement

निर्वाचन कार्यतालिका अनुसार वैशाख १३ गते उम्मेदवारको विरोधमा उजुरी दिने, वैशाख १४ र १५ गते मनोनयनपत्र जाँच गर्ने तथा उजुरीउपर जाँचबुझ गरी निर्णय गर्ने, वैशाख १५ गते मनोनयन भएको उम्मेदवारको नामावली प्रकाशन गर्ने, वैशाख १६ गते उम्मेदवारले नाम फिर्ता लिने र उम्मेदवारको अन्तिम नामावली प्रकाशन गर्ने तथा वैशाख १७ गते उम्मेदवारलाई निर्वाचन चिन्ह प्रदान गर्ने कार्यक्रम छ । यी सबै कार्यक्रमहरु सम्बन्धित निर्वाचन अधिकृतको कार्यालयमा हुने उनले बताए ।

आयोगले निर्वाचन पर्यवेक्षणका लागि कुल ६८ ओटा संस्थाले आयोगबाट अनुमति लिइसकेको जनाएको छ ।