March 2, 2024, Saturday
२०८० फाल्गुन १९
1:37:26 pm

हल्लाको पछि नलाग्नुस्, चुनाव हुन्छ-हुन्छ : प्रधानमन्त्री

2.3K

काठमाडौं । नेपाली कांग्रेसका सभापति एवं प्रधानमन्त्री शेरबहादुर देउवाले जसरी पनि निर्वाचन हुने बताउँदै हल्लाको पछि नलाग्न गठबन्धनका नेताहरुलाई आग्रह गरेका छन् ।

बिहीबार बालुवाटारमा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा एकीकृत समाजवादीका अध्यक्ष माधवकुमार नेपालसँगको छलफलमा प्रधानमन्त्री देउवाले तोकिएकै मितिमा स्थानीय तहको निर्वाचन हुनेमा आश्वस्त पारेका हुन् ।

उनले निर्वाचन नहुने कुनै सम्भावना नरहेको स्पष्ट पार्दै प्रचण्ढ र नेपालसँग भने, ‘स्थानीय निर्वाचन हुँदैन भन्ने हल्लाका पछाडि नलाग्नुु्, चुनाव हुन्छ, हुन्छ ।’

Advertisement

बालुवाटार स्रोतका अनुसार अध्यक्ष प्रचण्डले ‘निर्वाचन नहुने’ हल्ला चलेको सन्दर्भ निकालेपछि प्रधानमन्त्री देउवाले यस्तो प्रतिक्रिया दिएका हुन् । प्रचण्डको निर्वाचनसम्बन्धी शंसकित प्रश्नको प्रधानमन्त्री भने, ‘यस्तै हो चुनावको अघिल्लो दिनसम्म चुनाव हँुदैन भन्ने हल्ला चलिरहन्छ । तर, ढुक्क हुनुस्, चुनाव हुन्छ ।’

सोक्रममा स्थानीय निर्वाचनमा तालमेलबारे समेत तीन नेताबीच छलफल भएको थियो । स्थानीय तहको निर्वाचनमा गठबन्धनबीच तालमेल गरेरै जाने पक्षमा रहेका प्रधानमन्त्री देउवाले केही दिनमै पार्टीको बैठक बोलाएर चुनावी तालमेलबारे ठोस निष्कर्ष दिने जनाएका छन् । कांग्रेसभित्रै एक पक्षले एकल चुनाव लड्नुपर्ने बताउँदै आएका छन् ।