April 21, 2021, Wednesday
२०७८ बैशाख ८
1:37:26 pm

ओली कम्युनिस्ट आन्दोलन नै समाप्त पार्ने दिशामा लाग्नुभयोः सुरेन्द्र पाण्डे

495

काठमाडौं- नेकपा (एमाले)का नेता सुरेन्द्र पाण्डेले पार्टी अध्यक्ष तथा प्रधानमन्त्री केपी शर्मा ओली नेपालको कम्युनिस्ट आन्दोलन नै समाप्त पार्ने दिशामा अघि बढेको टिप्पणी गरेका छन्।

बिहीबार एमाले नेता पाण्डे र घनश्याम भुसाललाई ओलीले पार्टी सदस्यबाट ६ महिनाका लागि निलम्बन गरेपछि सामाजिक सञ्जालमार्फत् प्रतिक्रिया जनाउँदै पाण्डेले यसलाई पूर्वनियोजित र अपेक्षित नै रहेको बताएका छन्।

उनले ओली लामो समयदेखि गुटपरस्त रहेको दाबी समेत गरेका छन्। गुटबन्दी गर्दागर्दै ओलीले नवौं महाधिवेशनबाट पार्टी कब्जा गरेको पाण्डेको आरोप छ।

एमाले अध्यक्ष ओलीले पाण्डे र भुसालको स्पष्टीकरण चित्तबुझ्दो नभएको भन्दै बिहीबार ६ महिनाका लागि पार्टीबाट निलम्बन गरेका छन्।