रुसी सेनामा भर्ती भएका नेपालीकाे जीवन रक्षाको माग गर्दै प्रदर्शन, १५ जना पक्राउ

काठमाडौं। सिंहदरबारको दक्षिण गेटअघि प्रदर्शन गर्नेलाई प्रहरीले पक्राउ गरेकाे छ । रुसी सेनामा कार्यरतपीडित परिवारले प्रदर्शन गर्ने क्रममा पक्राउ परेका हुन् ।

रुसी सेनामा भर्ती भएका नेपालीकाे जीवन रक्षाको माग गर्दै पीडितका परिवारले विरोध प्रदर्शन गरेका हुन्। प्रर्दशनका क्रममा सहभागी बालकसहित १५ जनालाई प्रहरीले पक्राउ गरेको छ।

रुसमा सम्पर्कविहीन भएकाहरूको खोजी, मृत्यु भएकाहरूको शव फिर्ता र अलपत्र परेकाहरूको उद्दारको माग राख्दै प्लेकार्डसमेत प्रदर्शन गरेका थिए।
सो क्रममा प्रहरीले करिब १४ जना प्रदर्शनकारीलाई नियन्त्रणमा लिएको छ। रुसी सेनामा आवद्ध नेपालीकाे जीवनरक्षार्थ अभियानकी अभियन्ता कृतु भण्डारीसहित १५ जना जनालाई नियन्त्रणमा लिएको आन्दाेलनकारीले जनाएका छन् ।

Advertisement

पक्राउ पर्नेमा कृतु भण्डारी, टेक बटाला, सोनुलाल यादव, चादनी विष्ट, गोमा राई, जानुका सुनुवार, सम्झना अधिकारी, जशुधन राई, रोजी पुन, गीता घर्तीमगर, बुद्धिमाया ब्रामु, साता सुनुवार, उमेश तामाङ, गोकर्ण राई र मीनबहादुर दाहाल रहेका छन् ।