-लेखनाथ सिकारु
फेदेन । पाँचथरको हिलिहाङ–७ सल्लेरीमा ट्याक्टर र मोटरसाइकल आपसमा ठक्कर खाँदा एकको मृत्यु भएको छ भने एक गम्भिर घाइते भएका छन् ।
मृत्यु हुनेमा मोटरसाइकल चालक सुनसरी रामधुनी– ७ का २६ वर्षीय प्रेम घिसिङ रहेका छन् । दुर्घटनामा गम्भीर घाइते घिसिङको उपचारका क्रममा मृत्यु भएको पाँचथरका डीएसपी राकेश थापाले जानकारी दिए । दुर्घटनामा परि घिसिङकी श्रीमती कञ्चन मगर गम्भीर घाइते भएको प्रहरीले जनाएको छ ।
बुधबार घिसिङले चलाएको मोटरसाइकल र विपरित दिशाबाट आउँदै गरेको ट्याक्टर आपसमा ठोक्किएर दुर्घटना भएको थियो ।