July 29, 2021, Thursday
२०७८ श्रावण १४
1:37:26 pm

आज देशैभरी थपिए २,९७९ कोरोना संक्रमित, २८ जनाको मृत्यु

150

काठमाडौं – कोरोना संक्रमणबाट पछिल्लो २४ घण्टामा २९७९ जना नयाँ संक्रमित थपिएका छन् ।

पछिल्लो २४ घण्टामा ७८३५ पिसीआर र ४०६३ ऐन्टिजेन गरी ११,८९८ नमुना परीक्षणमा २९७९ जना संक्रमित थपिएका हुन् । मंगलबारको तुलनामा बुधबार संक्रमितको संख्यामा वृद्दि भएको हो ।

आज भक्तपुरमा ६७, ललितपुरमा ८६ र काठमाडौंमा ३९० गरी उपत्यकामा ५४३ जनामा संक्रमण पुष्टि भएको छ । उपत्यकामा मंगलबारको तुलनामा बुधवार संक्रमित हुनेको संख्या केही बढेको छ ।

नेपालमा हालसम्म पिसीआर र ऐन्टिजेन विधिबाट गरिएको ३६ लाख ८ हजार ८०० वटा नमुना परीक्षणमा ६ लाख ९० हजार ९७४ जना संक्रमित भएका छन् ।

त्यसैगरी पछिल्लो २४ घण्टामा देशैभरी १३३३ जना कोरोना संक्रमणबाट मुक्त भएका छन् । आज निको भएका १३३३ जनासँगैै नेपालमा कोरोना संक्रमणबाट मुक्त हुनेको संख्या ६ लाख १४ हजार ३२७ जना निको भइसकेका छन् । मन्त्रालयका अनुसार निको हुनेको यो संख्या ९४.५ प्रतिशत हो ।

त्यस्तै पछिल्लो २४ घण्टामा २८ जना कोरोना संक्रमितको मृत्यु भएको छ । आज थपिएका २८ जनासँगै नेपालमा हालसम्म ज्यान गुमाउनेको संख्या ९,२९१ पुगेको मन्त्रालयद्धारा जारी विवरणमा उल्लेख छ ।

मन्त्रालयका अनुसार नेपालमा हाल २६ हजार ५४४ जना संक्रिय संक्रमित रहेका छन् । ती मध्ये होम आइसोलेशनमा २३ हजार ७५६ र संस्थागत आइसोलेशनमा २,७८८ जना रहेका छन् ।

त्यस्तै देशैभरीका विभिन्न अस्पतालका आइसीयुमा ५७१ र भेन्टिलेटरमा १६१ जनाको उपचार भइरहेको छ ।