June 16, 2021, Wednesday
२०७८ असार २
1:37:26 pm

मौसम : देशका केही भागमा सामान्य वर्षाको सम्भावना

95

काठमाडौं– पश्चिमी वायुसँगै स्थानीय वायुको मिश्रित प्रभाव रहेका कारण देशका अधिकांश स्थानमा आंशिक बदली रहेको जल तथा मौसम विज्ञान विभागको मौसम पूर्वानुमान महाशाखाले जनाएको छ।

महाशाखाका अनुसार अहिले देशका केही स्थानमा हल्कादेखि मध्यम वर्षा भइरहेको छ।

दिउँसो देशभर आंशिकदेखि सामान्य बदली रहने महाशाखाले जनाएको छ। देशका केही स्थानमा मेघगर्जन, चट्याङसहित हल्कादेखि मध्यम वर्षाको सम्भावनासमेत रहेको महाशाखाको भनाइ छ।

आज राति देशभर आंशिकदेखि सामान्य बदली रही देशका केही स्थानमा सामान्य वर्षाको सम्भावना रहेको महाशाखाले जनाएको छ।