May 24, 2024, Friday
२०८१ जेष्ठ ११
1:37:26 pm

काठमाडौंबाट पोखरा जाँदै गरेको बस त्रिशूलीमा खस्दा ८ जनाको मृत्यु

1.3K

काठमाडौं । काठमाडौंबाट पोखरा जाँदै गरेको बस गजुरीनजिकै त्रिशूलीमा खस्दा ८ जनाको मृत्यु भएको छ।
धादिङको गजुरी र मलेखुको बीचमा पर्ने छहरा नजिकै बस दुर्घटनामा परेको हो।

दुर्घटनामा २ महिला र ६ पुरुष गरी ८ जनाको मृत्यु भएको जिल्ला प्रहरी कार्यालय धादिङले जनाएको छ । घटनास्थलबाट १६ जनाको उद्धार गरिएको थियो, तिनीहरुमध्ये ८ जनाको मृत्यु भएको र ८ जना घाइतेको स्थानीय अस्पतालमा उपचार भइरहेको प्रहरीले जनाएको छ ।

प्रहरीका अनुसार काठमाडौंबाट पोखरा जाँदै गरेको प्रदेश ३–०१–००५ ख ९९५२ नम्बरको बस बिहान ११ः १० बजे दुर्घटनामा परेको हो । 
 
अहिले स्थानीय र सुरक्षाकर्मीको टोली उद्धारमा खटिएको छ। दुर्घटनाबारे विस्तृत विवरण आउन बाँकी छ। 

Advertisement