January 20, 2022, Thursday
२०७८ माघ ६
1:37:26 pm

ओली निकट कर्णालीका २ मन्त्री प्रचण्ड-नेपाल पक्ष प्रवेश

695

काठमाडौँ- प्रधानमन्त्री एवं नेकपा अध्यक्ष केपी शर्मा ओली निकट कर्णाली प्रदेशका दुई जना मन्त्रीहरू प्रचण्ड-नेपाल पक्षको नेकपा प्रवेश गर्ने भएका छन्।

कर्णालीका सामाजिक विकासमन्त्री दल रावल र उद्योग, पर्यटन, वन तथा वातावरणमन्त्री नन्दसिंह बुढा प्रचण्ड-नेपाल पक्षमा प्रवेश गर्न लागेको स्थायी कमिटी सदस्य गणेश साहले बताए।

पार्टी कार्यालय पेरिसडाँडामा केहीबेरमा एक कार्यक्रमका बीच उनीहरूलाई स्वागत गर्न लागिएको साहले जानकारी दिए।ओलीलाई साथ दिँदै आएका रावल र बुढा प्रचण्ड-नेपाल पक्षमा प्रवेश गर्न लागेका हुन्। यस्तै प्रदेश सांसद पदमबहादुर रोकाया पनि दुई मन्त्रीसँगै प्रचण्ड-नेपाल पक्षमा आएका छन्।

Advertisement

कर्णाली प्रदेशमा कुल ४० सांसद मध्ये ३३ नेकपाको भएपनि प्रचण्ड–नेपाल पक्षको मात्रै २२ जना सांसद पुगेका छन्।