February 5, 2023, Sunday
२०७९ माघ २३
1:37:26 pm

मन्त्रिपरिषदमा बसेर गणतन्त्रविरूद्ध बोल्ने छुट कसैलाई छैन: प्रधानमन्त्री प्रचण्ड

425

काठमाडौं । प्रधानमन्त्री पुष्पकमल दाहाल प्रचण्डले मन्त्रिपरिषदमा बसेर संघीयता र लोकतान्त्रिक गणतन्त्रविरुद्ध बोल्ने छुट कसैलाई नहुने बताए। मंगलबार राष्ट्रिय सभा बैठकलाई सम्बोधन गर्दै  प्रधानमन्त्री प्रचण्डले मन्त्रिमण्डलमा बसेर संविधानमा संस्थागत भएका विषयविरुद्ध बोल्न नैतिक र कानुनी दृष्टिले पनि छुट नहुने बताएका हुन्।

प्रधानमन्त्री प्रचण्डले भने,‘जनताको आन्दोलनको बलमा उठेका विषयलाई संविधानमा संस्थागत गरिएको छ। जनताको आन्दोलनको बलमा स्थापित गरिएका विषयमाथि कुनै न कुनै कोणबाट प्रश्न उठाउने काम भएको छ । मन्त्रिपरिषदमा बसेर संघीयता र लोकतान्त्रिक गणतन्त्रविरुद्ध बोल्ने छुट कसैलाई छैन, यो स्पष्टीकरणको विषय हुनेछ।’

प्रचण्डले संघीयता र गणतन्त्रविरुद्ध बोल्ने भए मन्त्रिपरिषद् बाहिरै रहनुपर्ने बताए। उनले भने, ‘मन्त्रिपरिषद् बाहिर रहेर आफ्ना राजनीतिक गतिविधि अघि बढाउन पाइन्छ। यो छुट सबैलाई छ। तर मन्त्रिपरिषदमा बस्ने अनि संघीय लोकतान्त्रिक गणतन्त्रविरूद्ध बोल्ने छुट कसैलाई छैन ।’

Advertisement