July 19, 2024, Friday
२०८१ श्रावण ५
1:37:26 pm

प्रदेश १ मा एमाले नेतृत्वको सरकार बनाउने सहमति

1.1K

काठमाडौं । प्रदेश १ मा नेकपा एमालेको नेतृत्वमा सरकार बन्ने भएको छ । एमालेको नेतृत्वमा सरकार गठन गर्न शिर्ष नेताबीच सहमति भएको स्रोतले जानकारी दियो ।

शिर्ष नेतृत्वमा सहमति भएसँगै एमाले संसदीय दलका नेता हिक्मतकुमार कार्कीले आज प्रदेश प्रमुख समक्ष मुख्यमन्त्रीमा दाबी पेश गर्दैछन् । प्रदेश प्रमुख पर्शुराम खापुङले नयाँ सरकार गठनका लागि दिएको ७ दिनको समयसीमा आज साँझ ५ बजे सकिँदैछ ।

७ दिनको समयसीमाको अन्तिम दिन एमाले दलका नेता कार्कीले दाबी पेश गर्न लागेका हुन् । प्रदेश सभामा कुनैपनि दलको एकल बहुमत छैन ।

Advertisement

संविधानको धारा १६८ को उपधारा (२) बमोजिम प्रदेशसिभामा प्रतिनिधित्व गर्ने दुई वा दुई भन्दा बढी दलहरुको समर्थनमा बहुमत प्राप्त गर्न सक्ने प्रदेश सभाको सदस्यलाई प्रदेश प्रमुखले मुख्यमन्त्री नियुक्त गर्ने ब्यवस्था छ ।

सो व्यवस्थाअनुसार कार्कीले एमालेका ४०, माओवादी केन्द्रका १३, राप्रपाका ६ र जसपाका एक सांसद गरी ६० जनाको समर्थन लिएर मुख्यमन्त्रीमा दावी पेश गर्न लागेका हुन् । ९३ सदस्यीय प्रदेशसभामा सरकार गठनका लागि ४७ सांसदको समर्थन आवस्यक पर्छ ।