संघीय निर्वाचनमा पनि काँग्रेससँगै सहकार्य हुने प्रचण्डको भनाइ

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले आउँदो संघीय निर्वाचनमा पनि नेपाली काँग्रेससँगै सहकार्य हुने बताएका छन् । बिहीबार बिहान पार्टी कार्यालय पेरिसडाँडामा बसेको माओवादी केन्द्रको स्थायी समिति बैठकमा वर्तमान राजनीतिक परिस्थितिबारे ‘ब्रिफिङ’ गर्दै प्रचण्डले एमालेसँग सहकार्य सम्भव नभएको, हालको गठबन्धनले नै निरन्तरता पाउने बताएका हुन् ।

गठबन्धनभित्रै वामपन्थीहरुको एउटा मोर्चा त बन्छ । तर,  पार्टी एकता संयोजन समिति बन्छ कि बन्दैन अझै टुंगिएको छैन,’ बैठकमा प्रचण्डले भनेका थिए ।

पोलिटब्युरो समितिका नाम र स्थायी समितिलाई पूर्णता दिनेबारे छलफल गर्न भोलि शुक्रबार पनि बैठक बस्ने भएको छ ।

Advertisement