June 21, 2021, Monday
२०७८ असार ८
1:37:26 pm

एमालेलाई एकतावद्ध राख्न प्रधानमन्त्री ओलीको ६ बुँदे प्रस्ताव

120

काठमाडौँ – एमाले अध्यक्ष केपी शर्मा ओलीले पार्टी एकताका लागी ६ बुँदे प्रस्ताव अघि सारेका छन्। प्रधानमन्त्री समेत रहेका अध्यक्ष ओलीले आइतबार राती विज्ञप्ती जारी गर्दै एमालेको एकताको लागी आह्वान गरेका हुन् ।

प्रधानमन्त्री ओलीले पार्टी एकताको पक्षमा पहल गर्ने नेताहरुका भावना र सुझावलाई ध्यानमा राखेर पार्टीभित्रका समस्या समाधान गर्न र पार्टी एकताको रक्षा गर्न आफु तयार रहेको बताएका छन् ।

एमाले अध्यक्ष ओलीले एमालेलाई २०७५ साल जेठ ३ गते पूर्वको अवस्थाबाट अगाडी बढाउने प्रतिवद्धता समेत जनाएका छन् । त्यसैगरी मातहतका पार्टी कमिटी र जनसंगठनहरु मूलभूत रुपमा जेठ ३ गते पूर्वको अवस्थामा फर्केर क्रियाशिल गरिने प्रस्ताव समेत ओलीले गरेका छन् ।