सर्पले डसेपछि सुरुमा घरमै झारफुक गराउने ताप्लेजुङका युवाको मृत्यु

ताप्लेजुङ । ताप्लेजुङमा सर्पको टोकाइबाट एक युवाको मृत्यु भएको छ । ताप्लेजुङमा फुङ्लिङ नगरपालिका–९ हाङ्देवाका २५ वर्षीय कृष्णबहादुर घतानीको शनिबार बिहान सर्प टोकाइबाट मृत्यु भएको हो ।

शुक्रबार राति सर्पले ढसेको घतानीको जिल्ला अस्पतालमा उपचारको क्रममा मृत्यु भएको जिल्ला प्रहरी कार्यालय ताप्लेजुङले जनाएको छ ।

सर्पले डसेपछि सुरुमा घरमै झारफुक र घरेलु औषधि गराएका उनलाई शनिबार बिहान आफन्तले जिल्ला अस्पतालमा लगेर भर्ना गराएको थिए । अस्पताल भर्ना गरेको केही समयमै उनको मृत्यु भएको जिल्ला प्रहरी कार्यालय ताप्लेजुङले जनाएको छ ।

Advertisement