पूर्व नेता खामेनीका छोरा मोहतबा बने इरानको सर्वोच्च

काठमाडौं । इरानका पूर्व सर्वोच्च नेता अली खामेनीका छोरा मोहतबा खामेनी सर्वोच्च नेता चयन भएका छन् । इरानको धार्मिक निकाय असेम्बली अफ एक्सपर्ट्सले मोहतबालाई इस्लामिक गणतन्त्रको नयाँ सर्वोच्च नेता चयन गरेको हो।

इरान इन्टरनेशनलसँग गोपनीय शर्तमा कुरा गरेका स्रोतहरूले यो जानकारी दिएको बताइएको छ।

सार्वजनिक रूपमा कमै देखिएका र औपचारिक राजनीतिक पदमा नरहे पनि ५५ वर्षीय मोहतबा खामेनी लामो समयदेखि इरानको सत्तारूढ संरचनाभित्र प्रभावशाली व्यक्तित्व मानिँदै आएका छन् ।

Advertisement

उनी आफ्ना पिता अली खामेनीको कार्यालयभित्र शक्ति संयोजकको भूमिकामा सक्रिय थिए। उनको भूमिका प्रायः इस्लामिक गणतन्त्रका संस्थापक रुहोल्लाह खामेनीका छोरा अहमद खामेनीसँग तुलना गरिन्छ जसले प्रारम्भिक क्रान्तिकारी वर्षहरूमा प्रमुख सहयोगीको भूमिका खेलेका थिए।

विश्लेषकहरूका अनुसार मोहतबाले क्रमशः राजनीतिक, सुरक्षा र धार्मिक संस्थाहरूमा आफ्नो प्रभाव विस्तार गरेका छन्।

दशकौंसम्म पर्दा पछाडि रहँदै आएका मोहतबा खामेनी अब इरानको आधुनिक इतिहासको सबैभन्दा निर्णायक क्षणको केन्द्रमा पुगेका छन्।