January 27, 2022, Thursday
२०७८ माघ १४
1:37:26 pm

इराकका प्रधानमन्त्री मुस्तफा अल कदीमीको आधिकारिक निवासमा विस्फोट पदार्थसहितको ड्रोन हमला

२०७८ कार्तिक २१

655

इराकका प्रधानमन्त्री मुस्तफा अल कदीमीको आधिकारिक निवासमा विस्फोट पदार्थसहितको ड्रोन हमला भएको छ । समाचार एजेन्सी रोयटर्सका अनुसार आइतबार बिहान गरिएको हमलामा प्रधानमन्त्रीको निवासलाई लक्षित गरिएको हो ।

इराकी सेनाले प्रधानमन्त्रीको हत्या गर्ने उद्देश्यसहित हमला गरिएको थियो तर उनी सुरक्षित रहेको जानकारी दिएको छ । सेनाद्वारा जारी विज्ञप्तिमा हमला इराकको राजधानी बगदादको ग्रीन जोन क्षेत्रमा भएको थियो । योभन्दा थप जानकारी उपलब्ध गराइएको छैन । सरकारका दुई अधिकारीलाई उद्धृत गर्दै रोयटर्सले प्रधानमन्त्रीको निवासमा कम्तीमा एउटा विस्फोट भएको थियो । उनीहरूले पनि प्रधानमन्त्री सुरक्षित रहेको पुष्टि गरेका छन् ।

प्रधानमन्त्री अल कदीमीले आफ्नो आधिकारिक ट्वीटर अकाउन्टबाट आफूलाई सुरक्षित बताउँदै शान्ति कायम राख्न अपिल गरेका छन् ।

Advertisement

हालसम्म कुनै पनि संगठनले आक्रमणको जिम्मेवारी दिएको छैन ।