July 16, 2024, Tuesday
२०८१ श्रावण १
1:37:26 pm

क्यानडाका प्रधानमन्त्री जस्टीन ट्रुडो तेस्रोपटक निर्वाचित

2.6K

काठमाडौ । गत सोमबार भएको संसदीय निर्वाचनमा क्यानडाका प्रधानमन्त्री जस्टीन ट्रुडो तेस्रोपटक निर्वाचितनिर्वाचित भएका छन् ।

मतगणना जारी रहेकाले अहिले उनको पार्टी लिवरल पार्टीले अधिकांश ठाउँमा अग्रता कायमै राखेको छ । उनी र उनको पार्टीको जितसँगै उनी तेस्रो पटक प्रधानमन्त्री बन्ने देखिएका हुन् । निर्वाचनमा उनको दल र उनी फेरि विजयी हुने पुर्वानुमानअनुसार नै उनी विजयी भएको स्थानीय सञ्चार माध्यमहरुले लेखेका छन् ।

उनी यसअघि सन् २०१५ देखि देशको प्रधानमन्त्री हुदै आएका छन् । त्यसपछि उनीले पछिल्लो ६ बर्षमा अहिलेसम्म तीनपटक आम निर्वाचन जितेका हुन् ।

Advertisement

अहिले ४९ बर्ष भएका ट्रुडोले कुबेक शहरको पापीनोबाट सांसदमा निर्वाचित भएको राज्यद्धारा सञ्चालित प्रसारण संस्था सीबीसीले जनाएको छ । सीबीसी र सीटीभी दुवैले लिबरल दलको सरकार बन्ने अनुमान गरेका थिए ।

प्रधानमन्त्री ट्रुडोले पनि आफू निर्वाचित भएको जानकारी दिदै निर्वाचन अधिकृतहरूको प्रशंसासहित उनीहरुलाई धन्यवाद दिएका छन् ।

अहिले मतगणना भइरहँदा १४१ ठाउँमा उनको पार्टीको अग्रता रहेको छ भने विपक्षी दल कन्जरभेटिभ ९९ ठाउँमा अगाडि देखिएको छ ।

क्यानडामा अहिले ३३८ सिटका लागि निर्वाचन भएको हो । बहुमतका लागि कम्तीमा १७० ठाउँमा जित हासिल गर्नुपर्दछ ।