July 29, 2021, Thursday
२०७८ श्रावण १५
1:37:26 pm

आज आगामी आवको बजेट सार्वजनिक गर्दै स्थानीय तह

235

काठमाडौं–  आज अधिकांश स्थानीय तहले आगामी आर्थिक वर्षको बजेट प्रस्तुत गर्दै छन्। संविधानतः आजसम्म आगामी आर्थिक वर्षको नीति तथा कार्यक्रम एवं बजेट ल्याउनुैपर्ने नियम अनुसार अधिकांशले आज कार्यक्रम प्रस्तुत गर्ने भएका हुन्।

कतिपय स्थानीय तहले असार १० गतेअघि नै आगामी वर्षको नीति, कार्यक्रम र बजेट सभामा पेस गरिसकेका छन्।

अन्तरसरकारी वित्त व्यवस्थापन ऐन र स्थानीय सरकार सञ्चालन ऐनले सबै स्थानीय सरकारले असार १० गतेभित्र आगामी वर्षको नीति, कार्यक्रम र बजेट आ–आफ्नो सभामा पेस गर्नुपर्ने कानुनी व्यवस्था गरेको छ। 

स्थानीय तहले नीति, कार्यक्रम र बजेटसँगै आर्थिक ऐन र विनियोजित ऐनसमेत सभामा पेस गरी असार मसान्तभित्र पारित गरिसक्नुपर्ने कानुनी व्यवस्था छ।
स्थानीय तहलाई संघीय र प्रदेश सरकारले समानीकरण अनुदान, समपुरक, राजस्व बाँडफाँटबाट प्राप्त अनुदान, विशेष र ससर्त अनुदान शीर्षकमा बजेट उपलब्ध गराएका छन्।