नेपालका तेजस्वी युवाहरू ‘राष्ट्रिय हल्ट पुरस्कार’ फाइनलका लागि तयार

काठमाडौं । ‘हल्ट प्राइज नेपाल राष्ट्रिय प्रतियोगिता-२०२५’ आयोजना हुने भएको छ । यसअघि नेपालभरका ४६ बढी कलेजहरुबाट प्रतिस्पर्धा गरेका विद्यार्थीहरूबीच फाइनल प्रतिस्पर्धा हुन लागेको हो।

सामाजिक उद्यमीहरूको नयाँ पुस्तालाई सशक्त बनाउने उदेश्यसहित आयोजना गरिएको उक्त प्रतियोगिताको फाइनल बैशाख २५ गते बिहीबार ललितपुरको एआईटीएम कलेजमा हुँदै छ।

‘हल्ट प्राइज, नेशनल हल्ट प्राइज प्रतियोगिताको अर्को चरण हो । यसअघि देशभरका ४० भन्दा बढी क्याम्पसमा आयोजना गरिएको कार्यक्रमहरूका विजेता टोलीहरू अब राष्ट्रिय चरणका लागि प्रतिस्पर्धा गर्नेछन्’, आयोजकले बताएको छ।

Advertisement

प्रतिस्पर्धामा यसअघि छनोट भएका १ सय ५० भन्दा बढी विद्यार्थी उद्यमीहरूले आफ्ना व्यावसायिक विचारहरू प्रस्तुत गर्नेछन्। उनीहरूको प्रस्तुतीकरणहरूको मूल्याङ्कन र मार्गदर्शन उद्योग विशेषज्ञहरूद्वारा गरिने, जसले नवोदित
उद्यमीहरूलाई बहुमूल्य अन्तर्दृष्टि र मार्गदर्शन प्रदान गर्ने आयोजकले स्पष्ट पारेको छ।

यस्तै, देशभरका शीर्ष क्याम्पस विजेताहरू र खुला आवेदन विजेताहरूले प्रतियोगितामा छनोट चरण पछि हेड-टू-हेड प्रतिस्पर्धा गर्नेछन् । विजयी हुने टोलीले प्रतिष्ठित हल्ट पुरस्कार प्रतियोगितामार्फत विश्व मञ्चमा नेपालको प्रतिनिधित्व गर्नेछ।

कार्यक्रममा उद्योगका नेताहरू र सामाजिक नवप्रवर्तकहरूसहित निर्णायकहरूको प्यानल पनि समावेश गरिनेछ।