बालिकालाई बन्धक बनाएर यौन धन्दा चलाएको आरोपमा पक्राउ

काठमाडौं । बालिकालाई बन्धक बनाएर यौन धन्दा चलाएको आरोपमा एक महिला पक्राउ परेकी छन् । पक्राउ पर्नेमा नुवाकोटको तादी गाउँपालिका–३ स्थायी घर भइ हाल काठमाडौंको कागेश्वरी मनोहरा नगरपालिका–४ मुलपानी बस्ने ४३ वर्षकी सीता गोतामे रहेकी छन् ।

प्रहरीका अनुसार गोतामेले मासिक २० हजार दिने भन्दै आफ्नो घरमा भाँडा माझ्न र सरसफाइका लागि भनेर राखेकी बालिकालाई घरबाट बाहिर समेत निस्कन नदिई वेश्यावृत्तिमा लगाएको बुझिएको छ। 

बालिकालाई वेश्यावृत्तिमा लगाएर एक हजारदेखि तीन हजार रुपैयाँसम्म लिने गरेको खुलेको छ। उनको घरबाट प्रहरीले कात्तिक २ गते चार जना बालिकाको उद्धार पनि गरेको थियो।

Advertisement

गोतामेलाई प्रहरीको मानव बेचविखन अनुसन्धान ब्यूरोले पक्राउ गरेर अदालतबाट म्याद लिई मानव बेचबिखन तथा ओसारपसारको कसुरमा अनुसन्धान गरिरहेको ब्यूरोले जनाएको छ ।