नेपालमामिला संवाददाताAdvertisement
November 14, 2025, Friday
२०८२ कार्तिक २८
1:37:26 pm
२०७८ माघ १६
लन्डन । युएस ओपन टेनिस च्याम्पियन इमा राडुकानुलाई पछ्याउने ३५ वर्षीय एक युवक दोषी ठहर भएका छन् । शुक्रबार ब्रोम्ली मजिस्ट्रेटको अदालतले अमृत मगरलाई दोषी ठहर गरेको ब्रिटिस मिडियाहरूले जनाएको हो ।
दक्षिण लन्डनस्थित १९ वर्षीय ब्रिटिस टेनिस खेलाडी राडुकानुको घरको ढोकाको क्यामेरा फुटेजमा मगर धेरै पटक देखिएका थिए । चालक मगरले फूलहरू र प्रेमपत्र राडुकानुको घरको ढोकामा छाडेको डेली मेलले जनाएको छ । त्यसपछि राडुकानुले आफू असुरक्षित भएको भन्दै उजुरी दिएकी थिइन् ।
राडुकानुले अदालतलाई दिएको बयानमा भनेकी छिन्,‘यो सबै भएको बेलादेखि एक्लै बाहिर जाँदा डर लाग्छ ।’
गत वर्ष राडुकानुको खेल हेरेपछि मगरले उनलाई पछ्याउने थालेका थिए । त्यसपछि उनले राडुकानुको घर पत्ता लगाएर त्यहाँ पुग्ने गरेका थिए ।
अब मगरलाई अर्को महिना अदालतले सजाय सुनाउनेछ ।
