म्यानमारमा थप सात प्रदर्शनकारीको मृत्यु

काठमाडौं– म्यानमारमा सैन्य ‘कू’विरुद्ध जारी प्रदर्शनमा प्रहरीले चलाएको गोली लागेर थप सात प्रदर्शनकारीको मृत्यु भएको छ।

बिहीबार म्यानमारको मियाइङ सहरमा सुरक्षाकर्मीको गोली लागेर ६ जना प्रदर्शनकारीको मृत्यु भएको हो। अर्का एक प्रदर्शनकारीको मृत्यु भने यान्गोनको नर्थ डागोन जिल्लामा भएको हो।

याेसँगै म्यानमारमा सेनाविरुद्धको आन्दोलनमा मृत्यु हुनेकाे संख्या ६७ नाघेकाे छ र दुई हजारभन्दा धेरै मानिस पक्राउ परेको एसिस्टेन्स एसोसिएसन फर पोलिटिकल प्रिजनर्स एड्भोकेसी ग्रुपले जनाएकाे छ।

Advertisement